Татарстан Рәисе Рөстәм Миңнеханов быел беренче тапкыр билгеләп үтелә торган Россия халыклары телләре көне уңаеннан МАКСтагы каналында язма урнаштырды.
Дөньяда иң-иң матур ил,
Ул – минем туган илем.
Дөньяда иң-иң матур тел,
Ул – минем туган телем.
Татарстан Рәисе яңа бәйрәмнең күпмилләтле Россиянең бай мәдәни мирасына багышлануын билгеләп үткән.
«Татарстанда бу күптөрлелектәге бердәмлек аеруча ачык сизелә, республикада 175 милләт вәкиле дус-тату яши. Аларның һәркайсы өчен үз туган телен саклау, аны буыннан-буынга тапшыру мөһим», – дип язган Миңнеханов.
