Дәүләт Думасы телефон һәм кибермошенникларга каршы закон кабул итте.
Документ берничә яңа саклану чарасын кертә, шул исәптән «Дәүләт хезмәтләре» порталында «кызыл төймә» сервисын: әгәр кеше үзен мошенниклар корбаны дип шикләнсә, ул дистанцион акча күчерү операцияләрен оператив рәвештә туктатып тора алачак.
Ата-аналарга балаларының сим-карта куллануы турында элемтә операторларына хәбәр итү хокукы биреләчәк, бу аның өчен куркынычсыз контент тәэмин итү максатында эшләнә.
Гражданнарга мобиль операторга үз телефоннарының идентификация номерын (IMEI) хәбәр итү мәҗбүри булачак. Бу мәгълүмат килешүгә кертелергә тиеш. Моннан башка элемтә хезмәтләре күрсәтелмәячәк. Кулланучылар идентификаторларының бердәм базасын булдыру планлаштырыла.
Бер кешегә банк карталары санына чикләү кертелә – 20 дән артык түгел. Бу чара «дропперлар» дип аталучыларга каршы юнәлдерелгән.
Моннан тыш, беренче тапкыр мошенниклык гамәлләреннән зыянны каплау механизмы эшли башлаячак: банклар һәм элемтә операторлары мошенниклыкка каршы көрәш чаралары комплексын тулысынча үтәмәсә, алар югалтуларны компенсацияләргә тиеш булачак.
