Өткен жылы микроқаржы ұйымдарына (МҚҰ) 150 млн теңгеден астам айыппұл салынды, деп хабарлайды LS.
2023 жылы ҚР қаржы нарығын реттеу және дамыту агенттігі микроқаржы ұйымдарына қатысты 370 тексеру жүргізген. Осы кезеңде барлығы 155 млн теңге сомасына 529 айыппұл салынды.
Қаржы реттеушісінің мәліметінше, өндіріп алудың ең көп көлемі Sofi Finance, Creditum, "Экспресс заем" және "Взаймы" сияқты МҚҰ-на тиесілі. Оларға негізінен жеткізушінің ақпаратты уақтылы ұсынбағаны немесе қарыз алушыдан алынған дұрыс емес мәліметтерді несие бюросына және т. б. бергені үшін айыппұл салды.
Сонымен бірге, осы саланы реттеуді дамыту мақсатында ҚР қаржы нарығын реттеу және дамыту агенттігіне лицензиясынан айырылған МҚҰ-ды қадағалау шараларын қолдануға мәжбүрлеу үшін сотқа талап-арыздармен жүгіну құқығын беретін заңнамалық түзетулер қосымша әзірленгенін атап өтті.
Мемлекет басшысы қол қойып отырған несие берудегі тәуекелдерді азайту және қарыз алушылардың құқықтарын қорғау туралы заңда да реттеу шаралары бар. Мысалы, банктер мен микроқаржы ұйымдары барлық қолданыстағы тұтыну несиелері бойынша 90 күн кешіктірілгеннен кейін пайыздарды есептей алмайды.
Бұдан басқа, мерзімі өткен берешек пайда болған және айыппұлдардың, өсімпұлдар мен комиссиялардың толық күшін жоюды қоса алғанда, берешекті реттеу рәсімдері жүргізілген кезден бастап 24 ай өткенге дейін азаматтардың несиелерін коллекторлық агенттіктерге сатуға кредиторлар үшін шектеу енгізіледі.
Бір мезгілде коллекторларға несиелерді беруге екі жылдық мораторий енгізіледі.
Міндеттемелері коллекторларға берілген қарыз алушыларға келетін болсақ, бұл жағдайда соңғысы тиісті процедураларды жүргізуге міндеттеледі.
"Ал қазақстандықтардың құқықтарын кредиторлардың жосықсыз әрекеттерінен қорғау үшін берешекті өндіріп алу кезінде банктер, МҚҰ, коллекторлар мен қарыз алушылар арасындағы дауларды төрелік соттарда қарауға тыйым салу, сондай-ақ, микроқаржы ұйымдардың нотариустармен және жеке сот орындаушыларымен үлестес болуына шектеу енгізіледі", — деп атап өтті қаржы реттеушісі.
